حضرت ابوہریرہ رضی اللہ عنہ سے روایت ہے کہ آنحضرت ﷺ نے فرمایا کہ مجھے 6 باتوں کی وجہ سے دیگر انبیاء پر فضیلت دی گئی ہے۔ مجھے جوامع الکلم (جس میں لفظ تھوڑے اور معنی زیادہ ہوں) عطا کئے گئے ۔اور میرا رعب و دبدبہ دشمنوں کے دلوں میں بٹھا کر میری مدد کی گئی ہے۔ اور میرے لئے مال غنیمت کو حلال کردیا گیا۔ اور میرے لئے ساری زمین نمازکی جگہ بنادی گئی۔ اور میں تمام مخلوق کی طرف (رسول بناکر) بھیجا گیا ہوں۔ اور میری آمد کے ساتھ ہی نبوت ختم کردی گئی۔