حضرت صہیب رضی اللہ عنہ سے روایت ہے کہ آنحضرت ﷺ نے فرمایا: جب (تمام لوگ) جنت میں چلے جائیں گے تو اس وقت اللہ تعالیٰ ان سے فرمائیں گے کہ کیا تم مزید کچھ چاہتے ہو؟ جنتی عرض کریں گے (اے اللہ) کیا آپ نے ہمارے چہروں کو روشن نہیں کیا؟ آپ نے ہمیں جنت میں داخل نہیں کیا؟آپ نے ہم کو دوزخ سے نجات نہیں دی ؟ رسول اکرم ﷺ نے فرمایا: پھر اللہ ان کے اور اپنے درمیان پردہ اٹھا دیں گے اور جنتی اللہ تعالیٰ کا دیدار کریں گے تو ان کو اس دیدار سے زیادہ کوئی چیز پیاری نہیں ہوگی۔